4 անգամ ազատման դիմում է գրել. Արծրուն Հովհաննիսյանը ինչո՞ւ հեռացավ ՊՆ-ից. ArmDaily
Լրատվամիջոցներից մեկը երեկ տեղեկություն հրապարակեց, որ Արծրուն Հովհաննիսյանը սեփական դիմումի համաձայն դեռևս մեկ շաբաթ առաջ ազատվել է ՀՀ ՊՆ կադրային և ռազմակրթական քաղաքականության գլխավոր վարչության կրթության վարչության պետի պաշտոնից։
ArmDaily.am-ի տեղեկություններով՝ Հովհաննիսյանը չորս անգամ ազատման դիմում է գրել, սակայն միայն վերջին դիմումն է ստորագրվել։ Առաջին դիմումը, սակայն, Հովհաննիսյանը գրել է դեռևս պատերազմի ժամանակ, սակայն դիմումի պատճառը պատերազմով պայմանավորված իրողություններն են եղել ու Դավիթ Տոնոյանի ու Հովհաննիսյանի միջև տարաձայնություններ չեն եղել։ Վաղարշակ Հարությունյանի նշանակվելուց հետո նա երեք անգամ ազատման դիմում է գրել, սակայն միայն վերջինն է հաստատվել։
Մեր աղբյուրի փոխանցմամբ՝ Հովհաննիսյանի ու ՊՆ նախարար Վաղարշակ Հարությունյանի միջև անձնական խնդիրներ են եղել։ Մասնավորապես, Հովհաննիսյանը դեմ է Հարությունյանի կադրային ու կրթական քաղաքականությանը։
