Վիկտոր Մնացականյանը կլքի՞ պաշտոնը
ՀՀ կրթության, գիտության, մշակույթի և սպորտի նախարարությունը հայտարարել է մրցույթ Հայաստանի ազգային ֆիլհարմոնիկ նվագախմբի տնօրենի թափուր պաշտոնը զբաղեցնելու համար։ Հայտարության տեքստը հրապարակվել է նախարարության պաշտոնական կայքէջում։
Մրցույթին մասնակցելու համար սահմանված պարտադիր պայմաններն են՝
ՀՀ քաղաքացիություն.
բարձրագույն կրթություն.
հանրային ծառայության առնվազն հինգ տարվա ստաժ կամ հինգ տարվա մասնագիտական աշխատանային ստաժ կամ արվեստի կառավարում /մենեջմենթ/ կամ երաժշտական արվեստ բնագավառի առնվազն երեք տարվա աշխատանքային ստաժ.
իր պարտականությունների կատարման համար անհրաժեշտ իրավական ակտերի իմացություն /այդ թվում` ՀՀ Սահմանադրություն, «Պետական ոչ առևտրային կազմակերպությունների մասին» ՀՀ օրենք, ՀՀ աշխատանքային օրենսդրություն և այլ իրավական ակտեր/.
«Հայաստանի ազգային ֆիլհարմոնիկ նվագախումբ» պետական ոչ առևտրային կազմակերպության զարգացման հայեցակարգ, հիմնադրույթներ մշակելու կարողություն:
Լրացուցիչ պայմաններն են՝
առնվազն մեկ օտար լեզվի իմացություն.
ֆինանսատնտեսագիտական գործունեության իրականացման կարողություն.
աշխատանքի կազմակերպման և ղեկավարման անհրաժեշտ հմտություն.
տրամաբանելու և տարբեր իրավիճակներում կողմնորոշվելու ունակություն.
ենթակաների հետ վարվելու անհրաժեշտ էթիկայի կանոնների իմացություն:
Մրցույթը կկայանա մայիսի 14-ին՝ ժամը 1030-ին՝ նախարարության շենքում։
Հայաստանի ազգային ֆիլհարմոնիկ նվագախմբի տնօրենի պաշտոնակատարը Վիկտոր Մնացականյանն է։
