Թուրքական հատուկ ստորաբաժանումը մագլցման մարզումներ է անցկացրել ադրբեջանցիների հետ
Թուրքական բանակի հատուկ ստորաբաժանումները ժայռամագլցման վարժանքներ են անցկացրել ադրբեջանցի զինծառայողների հետ։ Այս մասին ասվում է Թուրքիայի ազգային պաշտպանության նախարարության թվիթերյան էջում։
«Լեռնային հատուկ նշանակության ջոկատի դպրոցն ու վարժական կենտրոնը ադրբեջանական հերոսական բանակի զինծառայողների համար ժայռամագլցման վարժանքներ են անցկացրել», - ասված է հաղորդագրության մեջ:
Հատուկ ստորաբաժանումների համատեղ զորավարժությունները մեկնարկել էին դեռ մարտի սկզբին։ Դրանք տեղի են ունենում Թուրքիայի Իսպարտա նահանգում և կտևեն վեց շաբաթ։
