Պարո՛ն վարչապետ, դո՛ւ ես մեր դիվանագիտությունը դարձրել զրո. Հրայր Կարապետյան

Պարո՛ն վարչապետ, դո՛ւ ես մեր դիվանագիտությունը դարձրել զրո: Մենք բազմաթիվ ձեռքբերումներ ունենք, տասնամյակների ու տարիների աշխատանք: Վերջին հաշվով ամեն ինչ կախված է քո թելադրած քաղաքականությունից: Այս մասին քիչ առաջ ԱԳՆ շենքի դիմաց մեկնարկած ակցիայի ժամանակ իր ելույթում ասաց  Սանկտ Պետերբուրգում ՀՀ նախկին գլխավոր հյուպատոս Հրայր Կարապետյանը։

«Մեր դիվանագիտությունը չի բարձրացնում Ադրբեջանի ռազմական հանցագործությունների հարցը միջազգային ատյաններում, նույնիսկ, ինչ-որ առումով, ՄԻՊ-ն է կատարում արտգործնախարարության ֆունկցիաները, Ադրբեջանի ղեկավարների սպառնալիքներին որևէ պատասխան չի տրվում։ Պետք է արտաքին գերատեսչությունն անհապաղ դիմի ՄԱԿ-ի անվտանգության խորհրդին՝ պահանջելով դատապարտող բանաձև այդ ռազմաշունչ հայտարարությունների համար, քանզի կարող է ուշ լինել»,- պնդեց նա։