Ստեփանակերտում երիտասարդները պարզաբանում պահանջեցին Ժաննա Անդրեասյանից. վերջինս նստեց մեքենան և դուրս չեկավ

Քիչ առաջ Ստեփանակերտում մի խումբ երիտասարդներ ակցիա են իրականացրել համար 1 միջնակարգ դպրոցի դիմաց, որտեղ կայանում էր հանդիպում ՀՀ ԿԳՄՍ նախարարության պատվիրակության և Ստեփանակերտի դպրոցների տնօրենների միջև՝ ԱՀ ԿԳՄՍ նախարարի ներկայությամբ:

Հանդիպմանը ներկա էր նաև ՀՀ ԿԳՄՍ փոխնախարար՝ Ժաննա Անդրեասյանը, ով նժդեհյան գաղափարախոսությունը համարում է ֆաշիստական:

Երիտասարդները պահանջում էին պարզաբանում Ժաննա Անդրեասյանից, սակայն նա հանդիպումից անմիջապես հետո նստեց ավտոմեքենան և հրաժարվեց դուրս գալ:

ՀՀ ԿԳՄՍ նախարարն էլ հայտարարեց երիտասարդներին, թե վերջիններս ոչ կառուցողական են տրամադրված: Այս մասին հայտնում է լուսանկարիչ Դավիթ Ղահրամանյանը: