Ղարիբաշվիլին ներկայացրել է Վրաստանի կառավարության նոր կազմը
Վրաստանի վարչապետի թեկնածու Իրակլի Ղարիբաշվիլին ներկայացրել է երկրի կառավարության նոր կազմը: Այս մասին տեղեկացնում է Грузия Онлайн պորտալը:
Կառավարության նոր կազմի վերաբերյալ հայտնի է դարձել իշխող «Վրացական երազանք» կուսակցության քաղխորհրդի նիստից հետո:
Կառավարության կազմում ընդամենը 2 փոփոխություն կա. Ջուանշեր Բուրչուլաձեն կզբաղեցնի պաշտպանության նախարարի պաշտոնը, իսկ Իրակլի Կարսելաձեն կդառնա տարածաշրջանային զարգացման և ենթակառուցվածքների նախարար:
Կառավարության նորացված կազմը հետևյալն է.
Տարածաշրջանային զարգացման և ենթակառուցվածքների նախարար - Իրակլի Կարսելաձե
Արդարադատության նախարար - Գոչա Լորտկիպանիձե
Ներքին գործերի նախարար - Վախթանգ Գոմելաուրի
Էկոնոմիկայի և կայուն զարգացման նախարար - Նաթիա Թուրնավա
Արտաքին գործերի նախարար - Դավիթ Զալկալիանի
Ֆինանսների նախարար - Իվանե Մաչավարիանի
Կրթության, գիտության, մշակույթի և սպորտի նախարար - Միխայիլ Չխենկելի
Աշխատանքի, առողջության և սոցիալական պաշտպանության նախարար - Էկատերինե Տիկարաձե
Բնապահպանության և գյուղատնտեսության նախարար – Լևան Դավիթաշվիլի
Պաշտպանության նախարար - Ջուանշեր Բուրչուլաձե
Հաշտության և քաղաքացիական հավասարության պետական նախարար- Թեյա Ախվլեդիանի:
Այս պահին առկա տեղեկատվության համաձայն, կառավարության կազմը խորհրդարանի կողմից կհաստատվի հաջորդ շաբաթ:
Երեկ «Վրացական երազանքը» Իրակլի Զարիբաշվիլիին առաջադրել էր վարչապետի պաշտոնում:
Վարչապետի պաշտոնում թեկնածուի առաջադրումը անհրաժեշտ էր դարձել Գիորգի Գախարիայի հրաժարականից հետո:
Իրակլի Ղարիբաշվիլին Վրաստանի վարչապետի պաշտոնը զբաղեցրել է նաև 2013 թվականի նոյեմբերի 20-ից 2015 թվականի դեկտեմբերի 24-ը:
