Արցախի նախագահի խոսնակը՝ Միքայել Մինասյանի գրառման մասին. ArmDaily. am

Արայիկ Հարությունյանի օրակարգում որևէ նման հանդիպում նախատեսված չէ։ Այս մասին ArmDaily.am-ի հետ զրույցում ասել է Արցախի նախագահի մամուլի խոսնակ Լուսինե Ավանեսյանն՝ անդրադառնալով Վատիկանում ՀՀ արտակարգ և լիազոր նախկին դեսպան Միքայել Մինասյանի գրառմանը, թե առաջիկա օրերին Մատաղիսից ոչ հեռու նախատեսված է Հայաստանի ազգային անվտանգության ծառայության տնօրեն Արմեն Աբազյանի, Արայիկ Հարությունյանի, Ռուստամ Մուրադովի և Ադրբեջանի պետական անվտանգության ծառայության նախագահ Ալի Նագիևի գաղտնի հանդիպումը։ 

Մինասյանը գրել էր, որ նախատեսում են քննարկել «ենթակառուցվածքային խնդիրները», բայց, ըստ էության, քննարկվելու են «Արցախի մնացորդները Ադրբեջանին ինտեգրացնելու քայլերը»։

«Արցախի Հանրապետության օրակարգում քաղաքական մեկ խնդիր կա։ Չնայած իրավիճակին, որ ունենք, որում գտնվում ենք, գուցե ինչ-որ մեկի մոտ կասկածներ է հարուցում, սակայն միակ քաղաքական խնդիրը Արցախի Հանրապետության ճանաչումն է»։