Ղրիմում պանթյուրքիստները կոչ են արել սպանել ռուսներին
Ռուս լրագրող, Մոսկվայի քաղաքային դումայի պատգամավոր Անդրեյ Մեդվեդևն իր Telegram-ալիքում անդրադարձել է մի քանի օր առաջ համացանցում հայտնված՝ ռուսաստանցիներին սպանելու մասին պանթյուրքիստական քողարկված կոչով լուսանկարին: Ղրիմում փակցված թռուցիկների վրա գրված է՝ «Ռամիլը կարողացավ, և դու կարող ես»:
Լրագրողի խոսքով՝ ակնհայտ է, որ խոսքը Ռամիլ Շամսուդինովի մասին է, ով գնդակահարել էր իր ծառայակիցներին:
«Փափուկ ուժ՝ թուրաներեն. Նրանք աշխատում են երիտասարդների հետ։
Եվ կարևոր չէ՝ ովքեր են՝ Կիևին ծառայող Ղրիմի թաթարնե՞ր, թե նեոօսմաններ. համառորեն, քայլ առ քայլ. կարևորն այն է, որ աշխատում են մեր երիտասարդների հետ, դեռևս՝ միայն մեր»,- գրել է Մեդվեդևը։
