ՀՀ-ում համատարած գնաճ է. որտե՞ղ են կառավարության ներկայացուցիչները, որոնք պետք է պատասխան տան. Էնֆիաջյան

Ըստ ԱԺ փոխնախագահ, «Բարգավաճ Հայաստան» խմբակցության պատգամավոր Վահե Էնֆիաջյանի՝ Ազգային վիճակագրական ծառայության տվյալներով՝ ՀՀ-ում համատարած գնաճ է արձանագրվել․ «Բուսական յուղը թանկացել է 44.3%-ով, շաքարավազը՝ 40.75-ով, ձուն՝ 26.4, կաթնամթերքը՝ 7.7, միրգը միջինը՝ 12, բանջարեղենը՝ 9.9, հացը՝ 7.9, ալյուրը՝ 12.5, խմիչքը, ծխախոտը՝ 6.8, ոչ պարենային ապրանքները՝ 5.5, դեղերը ևս թանկացել են, միջմարզային մի շարք ուղղությունների տրանսպորտի սակագինը 15-40 տոկոսով է թանկացել, իսկ ուղևորատոմսի գնի բարձրացմանը զուգահեռ որակի որևէ փոփոխություն չկա»,- այսօր Ազգային ժողովում հայտարարեց Վ․ Էնֆիաջյանը։

Նրա խոսքով, բոլոր ձախողումների պատճառը ՀՀ իշխանությունների անպատասխանտու գործողություններն են․ «Որտե՞ղ են կառավարության պատկան մարմինների ներկայացուցիչները, որոնք պետք է պատասխան տան ստեղծված իրավիճակի համար»,- հացրեց պատգամավորը՝ հավելելով, որ այս ամենին պետք է հետևի պաշտոնանկությունները։