Վրաստանում շուրջ 200 ռեստորան 24-ժամյա գործադուլ են հայտարարել
«24-ժամյա գործադուլի միջոցով մենք ուզում ենք ցույց տալ պետությանը, թե դա ինչպես կանդրադառնա երկրի վրա, եթե ռեստորանները չկարողանան աշխատել»,- «Գրուզիյա օնլայն»-ի փոխանցմամբ, այդ մասին հայտարարել է Վրաստանի Ռեստորանների ասոցիացիայի ղեկավար Շոթա Բուրջանաձեն՝ այսօր նախատեսված ակցիայի կապակցությամբ:
Նրա խոսքով՝ ակցիայի նպատակն է կառավարությանը ցույց տալ, որ այս հատվածի փակումը՝ «մահը», խնդիր կդառնա ոչ միայն կառավարության, այլ նաև բնակչության համար:
«Մենք կառավարությունից ամենապարզ պահանջն ունենք: Մենք օգնություն չենք խնդրում, սուբսիդիաներ չենք խնդրում: Մենք ցանկանում ենք շարունակել աշխատանք ապահովել մեր ոլորտում աշխատող 250,000 մարդու համար և ազատել պետության բեռը, որը պարտավորվել է 200 լարի վճարել այդ մարդկանց օգնելու համար»,- ասել Շոթա Բուրջանաձեն:
Այսօր մինչև 200 ռեստորանի ներկայացուցիչներ մտադիր են հավաք անցկացնել Վրաստանի կառավարության առաջ:
Նշվում է նաև, որ Թբիլիսիի շուրջ 200 ռեստորաններ 24 ժամով փակելու են առաքման ծառայությունը:
