Ընդհանուր առմամբ Լեռնային Ղարաբաղ է վերադարձել ավելի քան 49 827 քաղաքացի
«Ռուսական խաղաղապահ առաքելության անդամները շարունակում են ապահովել արցախցիների անվտանգ վերադարձը Հայաստանից Լեռնային Ղարաբաղ»: Այս մասին տեղեկանում ենք ՌԴ պաշտպանության նախարարության տարածած հաղորդագրությունից։
Մեկ օրում Երևանից Ստեփանակերտ ավտոբուսներով վերադարձել է 189 փախստական։
«Ընդհանուր առմամբ Լեռնային Ղարաբաղ է վերադարձել 49 հազար 827 փախստական։ Ռուսական խաղաղապահ զորախմբի զինծառայողների կողմից ապահովվում է քաղաքացիների անվտանգ վերադարձը իրենց մշտական բնակության վայրեր, ցուցաբերվում է մարդասիրական օգնություն, վերականգնվում են քաղաքացիական ենթակառուցվածքի օբյեկտները»,- նշված է հաղորդագրությունում: