Կապիտոլիումի մոտ գտնված ինքնաշեն ռումբերի վրա հայտնաբերվել են ժամանակաչափեր
Երկու ինքնաշեն պայթուցիկ սարքերը, որոնք հայտնաբերվել են ԱՄՆ Կոնգրեսի մոտ հունվարի 6-ին՝ Վաշինգտոնում տեղի ունեցած անկարգությունների օրը, սարքավորված են եղել ժամանակաչափերով ու դետոնատորներով։
Հետաքննությունների դաշնային բյուրոն և այլ իրավասու մարմիններ զբաղվում են դրանք տեղադրած անձանց որոնումներով։ Այս մասին հայտնել է մայրաքաղաքային Կոլումբիա շրջանի դատախազի պաշտոնակատար Մայքլ Շերվինը, փոխանցում է TASS-ը։
Պայթուցիկ սարքերը վնասազերծվել են։ Իրավապահները փորձում են պարզել, թե ինչու՞ դրանք գործի չեն դրվել։
Նրա խոսքով՝ անկարգությունների ընթացքում կատարված ամենալուրջ հանցագործությունների համար մեղավորներին կարող է սպառնալ մինչև 20 տարվա ազատազրկում։
