Դուք չեք կարող մեզ լռեցնել. Թրամփը՝ Twitter-ի կողմից իր օգտահաշիվն ընդմիշտ սառեցնելու մասին
ԱՄՆ ներկայիս նախագահ Դոնալդ Թրամփը հայտարարել է, որ Twitter սոցիալական ցանցը, որը արգելափակել է իր օգտահաշիվը, իրեն չի լռեցնի: Այս մասին հայտնում է RT-ն:
«Դուք չեք կարող մեզ լռեցնել»,- նշվում է Սպիտակ տան տարածած Թրամփի հաղորդագրությունում:
Համապատասխան հայտարարությունը հայտնվել է նաեւ Twitter- ում ԱՄՆ նախագահի պաշտոնական հաշվին, սակայն ընկերությունն անմիջապես հեռացրել է դրանք:
«Ես կանխատեսում էի, որ դա տեղի կունենա: Մենք բանակցություններ ենք վարում տարբեր այլ կայքերի հետ և շուտով մեծ հայտարարություն կունենանք: Մենք ուսումնասիրում ենք առաջիկայում սեփական հարթակ կառուցելու հնարավորությունները», - գրել է Թրամփը:
Նա նաև շեշտեց, որ «Twitter- ն ավելի ու ավելի է գնում խոսքի ազատությունն արգելափակելու ուղղությամբ»:
Ավելի վաղ Twitter- ը ընդմիշտ փակել էր Թրամփի օգտահաշիվը «բռնության հետագա հրահրման ռիսկի» պատճառով:
