Շրջակա միջավայրի նախարարության «Զանգեզուր» կենսոլորտային համալիրի «Բողաքար» պետական արգելավայրում տեղադրված ֆոտոբռնիչ սարքերը կովկասյան ընձառյուծ են արձանագրել։

Տեսանյութում երևում է, թե ինչպես է ընձառյուծը անհոգ զբոսնում ու խաղում Սյունիքի անտառներում։

Նշենք, որ տեսանկարահանող սարքերը «Զանգեզուր» կենսոլորտային համալիրի պահպանության տակ գտնվող տարածքներում տեղադրվել են Բնության համաշխարհային հիմնադրամի (WWF) հայաստանյան մասնաճյուղի կողմից իրականացվող մշտադիտարկման աշխատանքների արդյունքում։

Կովկասյան ընձառյուծը գրանցված է ՀՀ կենդանիների Կարմիր գրքում և գնահատվում է որպես «կրիտիկական վիճակում գտնվող»։