Ռուս խաղաղապահներն ավարտում են Ստեփանակերտի հյուսիսային ծայրամասերի ականազերծումը

Ռուս խաղաղապահներն ավարտում են Ստեփանակերտի հյուսիսային ծայրամասերի ականազերծումը: Այս մասին տեղեկացնում է Ռուսաստանի ՊՆ-ն:

«Ռուսաստանի ՊՆ ականազերծման միջազգային կենտրոնի մասնագետները շարունակում են աշխատանքը Լեռնային Ղարաբաղի տարածքի ականազերծման ուղղությամբ: Ռուսաստանի խաղաղապահ ուժերի ինժեներական ստորաբաժանումներն ավարտում են Ստեփանակերտի հյուսիսային ծայրամասերի ականազերծումը»,-նշվում է ՊՆ հաղորդագրությունում

Ընդհանուր առմամբ խաղաղապահները ականազերծել են ավելի քան 280 հա տեղանք, շուրջ 107 կիլոմետր ճանապարհ, 452 բնակելի տարածք, հայտնաբերել և վնասազերծել են ավելի քան 9 000 պայթուցիկ իր: