Մոսկվան ու Մինսկը պայմանավորվածություն են ձեռք բերել գազի գնի շուրջ
Ռուսական «Գազպրոմ» ընկերության ղեկավար Ալեքսեյ Միլլերը և Բելառուսի էներգետիկայի նախարար Վիկտոր Կարանկևիչը պայմանավորվածություն են ձեռք բերել 2021 թվականին մատակարարվելիք ռուսական գազի գնագոյացման հարցի շուրջ:
Ինչպես հայտնում է РИА Новости-ն՝ հղում անելով ընկերության մամուլի ծառայությանը կողմերը համապատասխան արձանագրությունը ստորագրել են Սանկտ Պետերբուրգում: Հանդիպմանը ներկա է եղել նաև ՌԴ-ում Բելառուսի դեսպան Վլադիմիր Սեմաշկոն:
Նշվում է, որ ընկերությունը հաղորդագրության մեջ չի մասնավորեցրել գազամատակարարման գինը:
Բելառուսի էներգետիկայի նախարարության մամուլի ծառայությունն իր հերթին տեղեկացրել է, որ գինը «գործնականում մնում է 2020 թվականի մակարդակին, սակայն զգալիորեն ցածր է, քան նախատեսված էր 2011 թվականի միջկառավարական համաձայնագրի բանաձևով»:
Նշվում է, որ մինչև տարեվերջ գործող պայմանգրի համաձայն՝ ռուսական գազի գինը Բելառուսի համար կազմում 127 դոլար՝ մեկ խորանարդ մետրի դիմաց, թեև Մինսկը պնդում էր, որ այն նվազեցվի:
