Վերջին 4 օրում ադրբեջանցիները 4 համայնք են գրավել Արցախում. Կարեն Վրթանեսյան

«Ռազմինֆո» կայքի համակարգող Կարեն Վրթանեսյանը ֆեյսբուքյան իր էջում գրում է. Ժողովրդի մեծամասնությունը տեղյակ չէ, որ վերջին 4 օրում.

«1.Ադրբեջանցիները 4 համայնք են գրավել Արցախում՝ Հադրութի և Շուշիի շրջանում։ Այդ համայնքները հայկական կողմինն էին նույնիսկ ըստ նոյեմբերի 9-ին ստորագրած խայտառակ փաստաթղթի։

2.Այդ գործողությունների ընթացքում մեր մարտիկներից 10 հոգու հետ կապը կորել է, ենթադրվում է, որ գերի են։ Այսինքն 10 նոր գերի ունենք։

3.Ռուս խաղաղապահները 1 օր հայտարարել էին, որ պահելու են այդ գյուղերը, սակայն ՌԴ ՊՆ կայքում երեկ հրապարակած քարտեզում այդ գյուղերը հանված են ռուսական խաղաղապահների պատասխանատվության գոտուց։

4.Լիսագորի հեռուստաաշտարակի մասին՝ որով ռադիոկապ էր ապահովում ՀՀ ու Ստեփանակերտի միջև... Դեռ ճշտելու բաներ կան, բայց այն, ինչ հիմա հասել է ինձ, հեչ լավ ինֆո չի։

Այսինքն իրականություն է դառնում այն, ինչի մասին բազմիցս զգուշացրել ենք. որ Նիկոլի ստորագրած այդ խայտառակ փաստաթղթով որևէ կայունություն չի ստեղծվում, պատերազմը չի կանգնեցվում, իսկ Ադրբեջանն առանց 1 կրակոցի ստանում է ավելի շատ տարածք, քան կարողացել էր գրավել զենքով, և դրանք ստանալով միևնույն է չի կանգնելու։

Ինչո՞ւ ժողովուրդը տեղյակ չէ։

Որովհետև Արցախն այսօր, ըստ էության, մեդիաբլոկադայի մեջ է, իսկ տեղեկատվական դաշտը լցված է Նիկոլով, ով ամեն գնով փորձում է շեղել ուշադրությունը Արցախից»։