Պատրաստ եմ ձեզ հետ փոխգործակցության և շփումների. Պուտինը շնորհավորել է Բայդենին

ՌԴ նախագահ Վլադիմիր Պուտինը շնորհավորել է Ջո Բայդենին ԱՄՆ նախագահական ընտրություններում տարած հաղթանակի կապակցությամբ: Այս մասին տեղեկանում ենք Կրեմլի կայքից:

Իր ուղերձում Ռուսաստանի ղեկավարը հաջողություն է մաղթել ընտրված նախագահին և համոզմունք հայտնել, որ Ռուսաստանը և Միացյալ Նահանգները «չնայած տարաձայնություններին, կարող են իսկապես նպաստել բազմաթիվ խնդիրների և մարտահրավերների լուծմանը, որոնց ներկայումս բախվում է աշխարհը»:

«Իմ կողմից ես պատրաստ եմ ձեզ հետ փոխգործակցության և շփումների»,-ասել է Պուտինը: