Անհետ կորած զինծառայողների հարազատները Ռուսաստանի դեսպանատան դիմաց են
Անհետ կորած զինծառայողնորի ծնողներն ու հարազատներն այսօր առավոտվանից հավաքվել են Հայաստանում ՌԴ դեսպանատան առջև: Այսօր ևս նրանք պատրաստվում են նամակ փոխանցել դեսպանատուն՝ ուղղված ՌԴ նախագահ Վլադիմիր Պուտինին:
«Վերջին զանգը ստացել եմ հոկտեմբերի 14-ին: Տղաս սպա է, հեռախոսով շատ բան չէր խոսում, նույնիսկ գտնվելու վայրը չէր ասում: Բոլոր հասցեներով դիմել եմ։ Մեկ ասացին՝ մոխրակույտ են գտել, ԴՆԹ են արել, քիչ անց՝ նույն օրը տեղեկացրին, որ տղաս գերիների ցուցակում է: Էլ չգիտեմ, թե ինչին հավատամ, արդեն 65 օր է՝ սպասում ենք որդուս»,- ասում է ծնող Կարինե Ղազարյանը:
