Ադրբեջանական հերթական ապատեղեկատվությունը. «Հադրութի շրջանում սպանված հայեր» վերտառությամբ տեսանյութն արվել է 1 ամիս առաջ
Այսօր առավոտյան ադրբեջանական սոցկայքերի տիրույթում տեսանյութ էր տարածվել, որտեղ նշվում էր, որ զոհերը հայեր են եւ նրանք զոհվել են երեկ Հադրութում տեղի ունեցած ռազմական գործողությունների ժամանակ: Տեսանյութից առաջին սքրինշոթը ադրբեջանցիների կողմից Շուշիի մերձակայքում արված տեսանյութից է: Երկրորդ սքրինշոթը տեսանյութից է, որում գրված է թե «Հադրութի շրջանում սպանված հայեր»:
Բնականաբար այս պայմաններում շատերն են տեղիք տալիս հույզերին, սկսում տարածել այդ տեսանյութը ՝ առանց վերլուծելու այն: Եվ հիմա պարզվում է, որ այդ տղաները զոհվել են ավելի քան մեկ ամիս առաջ:
Հայտնում է Баграмян 26 թելեգրամ ալիքը:
Այս տեսանյութը նաև հաստատում է, այն փաստը, որ ադրբեջանական կողմը միտումնավոր ձգձգում է զոհերի մարմինների փոխանակման գործընթացը: Անցել է ավելի քան մեկ ամիս, ձյուն արդեն տեղացել է, և ադրբեջանցիները նույնիսկ չեն փորձել այդ մարմինները փոխանակման հանել:
Տեսանյութը եւ լուսանկարները չենք հրապարակում էթիկայի նորմերից ելնելով:
