Շվեդիան կստեղծի կրոնի թվային համարժեքը. Bloomberg
Շվեդիայի իշխանությունները մտադիր են հրաժարվել երկրում կանխիկ դրամի օգտագործումից։ Այս մասին հայտնում է Bloomberg-ը՝ նշելով, որ այդ ուղղությամբ երկրում արդեն գործնական քայլեր են ձեռնարկվել․ մասնագետները սկսել են մշակել ազգային արժույթի՝ կրոնի թվային համարժեքը։
Հոդվածում նշվում է՝ այս սկանդինավյան երկիրը վերջին ժամանակաշրջանում ցուցաբերում է կանխիկի շրջանառության ամենացածր ցուցանիշն աշխարհում։ Մասնավորապես, երկրում կատարվող վճարումների ամբողջ ծավալի 10 տոկոսից քիչ մասն է կատարվում կանխիկ եղանակով։
Այս առնչությամբ ֆինանսների նախարար Պեր Բոլունդը հայտարարությամբ էր հանդես եկել, որի ընթացքում հայտնել էր մասշտաբային հետազոտության մեկնարկի մասին, որի ավարտը նախատեսված է 2022 թվականի նոյեմբերին։ Դրա արդյունքը կդառնա թվային կրոնի ստեղծումը։
Նշենք, որ սա ամենևին առաջին դեպքը չէ, որ Շվեդիայի իշխանություններն ուշադրություն են դարձնում թվային արժույթի ստեղծմանը։ Հատկանշական է միայն այն փաստը, որ ամբողջ աշխարհը պատուհասած կորոնավիրուսային համավարակն ուղղակի ստիպել է իշխանություններին ավելի արագ գործել։
