Իրանում «Amad News» պորտալի ղեկավարը մահապատժի է ենթարկվել 

«Amad News» լրատվական պորտալի ղեկավար Ռուհոլլահ Զամը մահապատժի է ենթարկվել շաբաթ Իրանում, հաղորդում է «Mehr News»-ը: 
Հաղորդվում է, որ մահապատիժն իրականացվել է շաբաթ առավոտյան՝ կախաղանի միջոցով: Այս շաբաթվա սկզբին հայտնի էր դարձել, որ Իրանի իշխանությունները մահապատժի վճիռ են հաստատել «Amad News» լրատվական պորտալի ղեկավարի համար, ով օժանդակություն է ստացել օտարերկրյա հետախուզական ծառայություններից: 
2019-ի հոկտեմբերի կեսերին Իսլամական հեղափոխության պահապանների կորպուսը հայտարարել էր Զամի ձերբակալման մասին: Ըստ բաց աղբյուրների՝ Զամն ակտիվորեն լուսաբանել է 2017-ի դեկտեմբերի - 2018-ի հունվարի բողոքի ցույցերն Իրանի ամբողջ տարածքում: 
Լրատվական պորտալի ղեկավարը, ինչպես նշում է IRNA գործակալությունը, ձերբակալվել է «հակահեղափոխական գործողությունների» համար: