ՏԵՍԱՆՅՈՒԹ. Հրմշտոց քաղաքացիների և ոստիկանների միջև. ակցիայի մասնակիցները փորձում են մտնել Կառավարության շենք

Կառավարության բակում վարչապետ Նիկոլ Փաշինյանի հրաժարականը պահանջողները փորձում են մտնել Կառավարության շենք, իսկ մեծ թվով ոստիկանները պատ են կազմել շենքի դիմաց եւ թույլ չեն տալիս։

Ակցիայի մասնակիցները նշեցին, որ իրենք եկել են դիրքերից եւ բացատրություն են պահանջում Փաշինյանից՝ ինչու հանձնեց Արցախի տարածքները։

«Փաշինյանը Կառավարության շենքն ավելի ամուր է պահում, քան Շուշին, Քարվաճառը։ Նա թուրքի առաջ ծնկի եկած վարչապետ է։ Նա ամբողջ պատերազմն այնպես վարեց, որ եկավ ամսի 9-ը եւ ստորագրեց այդ խայտառակ պայմանագիրը։ Մենք բացատրություն ենք ուզում իրենից»,- նշեց ակցիայի մասնակիցներից մեկը։

Նրանք շեշտեցին, որ ցանկանում են Փաշինյանին ներկայացնել՝ երկրում ինչ իրավիճակ է։

Տեսանյութը՝ news.am-ի։