Կառավարության շենքի դիմացից բերման է ենթարկվել 29 ցուցարար
Ոստիկանությունը կառավարության շենքի դիմացից ոստիկանության ծառայողի օրինական պահանջը չկատարելու համար բերման է ենթարկել 29 ցուցարարի, որոնք ակցիայի շրջանակում պահանջում են Նիկոլ Փաշինյանի հրաժարականը: Այս մասին ԶԼՄ-ներին հայտնել է ՀՀ ոստիկանության հասարակայնության հետ կապի և լրատվության վարչությունը:
Հիշեցնենք, որ ընդդիմադիր քաղաքական ուժերը ՀՀ վարչապետի Նիկոլ Փաշինյանին և նրա կառավարությանը մինչև դեկտեմբերի 8-ը՝ ժամը 12:00-ն, հրաժարական տալու ժամանակ էին տվել: Պայմանն այն էր, որ եթե նա հրաժարական չտա, ապա հանրապետությունում կսկսվեն բողոքի և անհնազանդության ակցիաներ: Դեկտեմբերի 9-ին խորհրդարանի դիմաց ԱԺ-կառավարություն հարցուպատասխանին զուգահեռ բողոքի ակցիա էր ընթանում, որի ժամանակ էլ որոշվել է, որ այսօր՝ ժամը 11:00-ին, պետք է հավաքվեին կառավարության դիմաց:
