Թուրքիայի 50 նահանգում կալանավորել է միանգամից 304 զինվորական

Թուրքական Իզմիրի դատախազությունը հեղաշրջման փորձ կազմակերպելու մեջ մեղադրվող ընդդիմադիր քարոզիչ Ֆեթուլլահ Գյուլենի հետ կապ ունենալու կասկածանքով 304 զինվորականի կալանավորելու հրաման է արձակել, հաղորդում է Anadolu գործակալությունը:

Հաղորդվում է, որ գործողությունն իրականացվում է Թուրքիայի 50 նահանգներում, 198 մարդ արդեն բերման է ենթարկվել:

Թուրքիայի իշխանությունները Գյուլենի կազմակերպությանը, որը նրանք անվանում են FETO (ֆեթուլլահիստական ահաբեկչական կազմակերպություն), մեղադրել են 2016-ի հուլիսին հեղաշրջման փորձին մասնակցության մեջ: Թուրքիայում, ապստամբությունից հետո, ավելի քան 80 հազար մարդ է ձերբակալվել, իսկ շուրջ 150 հազար քաղաքացիական ծառայող, ներառյալ զինվորականները, հեռացվել են աշխատանքից: Ինքը՝ Գյուլենը, ով ԱՄՆ-ում է, դատապարտել է հեղաշրջման փորձը և հերքել իրեն առաջադրված մեղադրանքները: