Ի՞նչ ակնկալել Մարուքյան-Վազգեն Մանուկյան հանդիպումից. «Հրապարակ»
«Հայրենիքի փրկության շարժման վարչապետի կոնսենսուսային թեկնածու Վազգեն Մանուկյանը նախօրեին զանգել է ԼՀԿ ղեկավար Էդմոն Մարուքյանին և հանդիպման առաջարկ արել։
Հիշեցնենք, որ Մանուկյանի թեկնածությունը հայտարարելուց ժամեր անց ԼՀԿ-ից հայտարարեցին, թե իրենք էլ ունեն վարչապետի թեկնածու՝ Էդմոն Մարուքյանն է։
Հանդիպման օրվա և ժամի մասին պայմանավորվածություն ձեռք չի բերվել։ Մարուքյանը երեկ մեզ ասաց՝ ամենայն հավանականությամբ, առաջիկայում տեղի կունենա հանդիպումը։
Հարցին՝ հանդիպումից հետո հնարավո՞ր է հրաժարվեն իրենց որոշումից՝ ԼՀԿ թեկնածուի հարցով, Մարուքյանը պատասխանեց․ «Մենք ոչ մի բան չենք բացառում։ Կխոսենք, կշփվենք, կքննարկենք մեր շարքերի հետ, ապա կհայտնենք մեր որոշման մասին»»,-գրում է թերթը:
Նյութն ամբողջությամբ կարդացեք թերթի այսօրվա համարում:
