Մինսկում ձերբակալություններ են սկսել կիրակնօրյա բողոքի ակցիայի ժամանակ
Մինսկում տեղի ունեցող «Կամքի երթ» խորագիրը ստացած կիրակնօրյա բողոքի ակցիայի ժամանակ մի քանի մարդ է ձերբակալվել Բրիլևիչի և Լեբյաժի բնակելի թաղամասերում:
Ինչպես փոխանցում է ТАСС գործակալությունը՝ հղում անելով բելառուսական աղբյուրին, մայրաքաղաքի բնակիչները կեսօրին սկսել են հավաքվել բակերում: Հաղորդում է ստացվել նրանց հավաքները ցրելու դեպքերի մասին: Բացի այդ, ՕՄՕՆ-ի մի քանի ավտոբուսներ ժամանել են Բրիլևիչի թաղամաս, որտեղ բնակիչների շարասյուն էր ձևավորվել: ՕՄՕՆ-ականների ժամանելուն պես մարդիկ սկսել են ցրվել տարբեր ուղղություններով, ոմանց էլ ձերբակալել են:
ՕՄՕՆ-ի աշխատակիցները ձերբակալություններ են իրականացրել նաև Լեբյաժի թաղամասում: Նշվում է, որ ձերբակալություններ տեղի են ունեցել նաև Մինսկի արվարձաններում:
Հիշեցնենք, որ բելառուս ընդդիմադիրներն ու նրանց կողմնակիցներն ամեն կիրակի, ավանդաբար, բողոքի ակցիա են իրականացնում՝ ընդդեմ օգոստոսի 9-ին կայացած նախագահական ընտրությունների արդյունքների, որոնց համաձայն՝ հաղթող էր դարձել գործող ղեկավար Ալեքսանդր Լուկաշենկոն: Բողոքի ցույցեր տեղի են ունենում նաև շաբաթվա մյուս օրերին ինչպես Մինսկում, այնպես էլ մի շարք այլ բելառուաական քաղաքներում:
