Մինսկի կենտրոնում ոստիկանական ուժեր և հատուկ տեխնիկա է կուտակված
Ընդդիմության հերթական հանրահավաքից առաջ, այսօր առավոտյան Մինսկի կենտրոնում ոստիկանական ուժեր և հատուկ տեխնիկա է կուտակվել: Ավելի վաղ ընդդիմադիր Telegram ալիքները Մինսկում և Բելոռուսի այլ քաղաքներում քաղաքացիներին կոչ էին անում մասնակցել իշխանությունների հետ չհամաձայնեցված և չարտոնված զանգվածային միջոցառմանը ՝ «Ազատության երթին»:
Վերջին շաբաթներին ընդդիմության հանրահավաքներն անցկացվում էին այսպես կոչված «բակային» ձևաչափով, մասնակիցները այդ կերպ փորձում էին խուսափել ձերբակալություններից:
Այս անգամ, Մինսկի կենտրոնում հանրահավաքի մեկնարկից առաջ, անվտանգության միջոցառումները զգալիորեն ուժեղացվել են: Ջրցան , ինչպես նաև փշալարերով մեքենաները, ոստիկանական ավտոբուսները կայանված են Օկտյաբրսկայա հրապարակի հարևանությամբ գտնվող Սպայական տան մոտ:
Ընդդիմության զանգվածային բողոքի ցույցերը սկսվեցին Բելոռուսում օգոստոսի 9-ին ՝ նախագահական ընտրություններից հետո, որում վեցերորդ անգամ հաղթեց Ալեքսանդր Լուկաշենկոն: Ընդդիմությունը կարծում է, որ Սվետլանա Տիխանովսկայան է հաղթել ընտրություններում:
