Հրշեջները մարել են Նոր Խարբերդի ամառանոցների տներից մեկում բռնկված հրդեհը
Ճգնաժամային կառավարման ազգային կենտրոնը դեկտեմբերի 6-ին, ժամը 13:24-ին ահազանգ է ստացել, որ Երևանի Նոր Խարբերդի ամառանոցների 13-րդ փողոցի տներից մեկի բակում այրվում է վառելափայտ։
Ինչպես տեղեկացնում են ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ։
Պարզվել է, որ հրդեհը բռնկվել է տանը կից խորդանոցում։
Հրդեհը մեկուսացվել է ժամը 14։10-ին, մարվել՝ 14։25-ին։ Այրվել է խորդանոցի տանիքը (մոտ 20 քմ)։
