Դեմոկրատները ԱՄՆ-ը կտանեն դեպի կոմունիզմ՝ հայտարարել է Թրամփը
ԱՄՆ նախագահ Դոնալդ Թրամփը կարծիք է հայտնել, համաձայն որի՝ եթե դեմոկրատները ԱՄՆ Կոնգրեսի Սենատում մեծամասնություն ստանան, ապա երկիրը կտանեն դեպի կոմունիզմ: Այս մասին հայտնում է RIA Novosti-ն:
«Ջորջիայի ընտրողները կորոշեն՝ մեր երեխաները կապրեն սոցիալիզմի՞ մեջ, թե՞ ազատ երկրում»,- ասել է Թրամփը Ջորջիա նահանգում կողմնակիցների առաջ ելույթ ունենալիս:
Քաղաքական գործիչը նաև կարծում է, որ ԱՄՆ-ում դեմոկրատները ցանկանում են «անցնել կառավարման կոմունիստական ձևին»:
Ջորջիայում հունվարի 5-ին տեղի է ունենալու ԱՄՆ Կոնգրեսի Սենատում ընտրությունների երկրորդ փուլը: Նահանգում խաղարկվում է երկու մանդատ, որոնք կարող են լուծել օրենսդրական մարմնի վերին պալատի նկատմամբ վերահսկողության հարցը հանրապետականների կամ դեմոկրատների կողմից:
