Արցախի Մարտունի քաղաքի մոտ 70-80 տոկոսը ավերվել է. քաղաքապետ
Արցախի Մարտունի քաղաքում շենք-շինությունների 80 տոկոսը վնասվել է ադրբեջանական հրետակոծության հետևանքով։ ՌԻԱ Նովոստիի փոխանցմամբ՝ տեղեկությունը լրագրողների հետ զրույցում հայտնել է Մարտունու քաղաքապետ Էդիկ Ավանեսյանը։
«Քաղաքը մեծ վնասներ է կրել, շատ ավերածություններ կան, ավերվել է քաղաքի մոտ 70-80 տոկոսը: Վնասվել են մանկապարտեզները, տները և դպրոցները»,- հայտնել է Ավանեսյանը:
Նա հավելել է, որ շրջկենտրոնից բացի Մարտունու շրջանի ևս ութ բնակավայրեր հրետակոծության են ենթարկվել:
«Մոտ հազար բնակիչ արդեն քաղաք է վերադարձել է, իսկ մինչ պատերազմը 6200 մարդ էր ապրում: Պատերազմի ակտիվ շրջանում քաղաքում շուրջ 400 մարդ էր մնացել»,- ասել է Մարտունու քաղաքապետը:
