Հրդեհ Երևանում. այրվել են տան տանիքի փայտյա կառուցատարրերը

Նոյեմբերի 18-ին, ժամը 14:58-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևանի Նոր Խարբերդի ամառանոցների 5-րդ փողոցի տներից մեկի տանիքում։ Այս մասին հայտնում են ՀՀ ԱԻ նախարարության լրատվական ծառայությունից։

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ։

Հրդեհը մեկուսացվել է ժամը 15։32-ին, մարվել՝ 16։02-ին։ Այրվել են տան տանիքի փայտյա կառուցատարրերը՝ մոտ 70 քմ։