Ռուսաստանի ռազմատրանսպորտային ավիացիայի 2 Ան-124 «Ռուսլան» և 18 Իլ-76 ինքնաթիռները  զրահամեքենաների նոր խմբաքանակ և խաղաղապահների նոր խումբ են Երևան հասցրել: Այս մասին տեղեկացնում է «ՌԻԱ Նովոստի» գործակալությունը` հղում տալով ՌԴ պաշտպանության նախարարությանը:

«Ռուսաստանի օդատիեզերական ուժերի ռազմատրանսպորտային ավիացիայի հերթական 18 Իլ-76 և 2 Ան-124 «Ռուսլան» ինքնաթիռները 15-րդ խաղաղապահ բրիգադի սարքավորումներով և անձնակազմով վայրեջք են կատարել Երևանում` մասնակցելու Լեռնային Ղարաբաղի հակամարտության գոտու խաղաղապահ գործունեությանը: Ռուս զինծառայողները նյութական իրերի, զենքի և զինամթերքի բեռնաթափում են իրականացրել»,-ասված է հաղորդագրության մեջ:

Օրվա ընթացքում Ռուսաստանի օդատիեզերական ուժերի ինքնաթիռները 58 սարքավորում են հասցրել Հայաստան ՝ զրահամեքենաներ, արտաճանապարհային բեռնատարներ, ավտոցիստերներ, էքսկավատորներ: