Պատերազմի վերջին օրը թուրքական «Komando» էլիտար ջոկատի հատուկջոկատայինները փախուստի են դիմել Մարտունու ճակատից. WarGonzo

Արցախում պատերազմի վերջին օրը թուրքական «Komando» էլիտար ջոկատի հատուկջոկատայինները փախուստի են դիմել Մարտունու ճակատից: Այս մասին հայտնում է WarGonzo նախագիծը:

Բանն այն է, որ այդ օրերին Մարտունու ճակատից ադրբեջանական ուժերը նահանջել են, որպեսզի լրացուցիչ ուժեր ուղարկվեն Շուշիի վրա հարձակման համար:

Նահանջող թշնամին կորուստներ է կրել: Եվ ահա, սպանված սպաներից մեկի մոտ հատուկ դանակ է հայտնաբերվել, որն արտադրված է հատուկ թուրքական «ռենջերների» համար: Դա թույլ է տալիս եզրակացնել, որ Արցախում հայերի դեմ կռվել են նաև թուրքական «Komando»-ի հատուկջոկատայինները:

Հիշեցնենք, որ այսօր Էրդողանը նախագիծ է ուղարկել թուրքական խորհրդարան, որը վերաբերում է Ադրբեջան թուրքական զորքեր մտցնելուն: Իսկ այս լուսանկարները թույլ են տալիս ասել, որ դա ուղղակի ձևական բնույթ է կրում, քանի որ թուրքական ուժերն Ադրբեջանում եղել են վաղուց: