Մենք մեր երեխաներին ենք խնդրում. անհետ կորած զինվորների հայրերը չեն կարողանում զսպել արցունքները

Այս պահին ՊՆ-ի մոտ են հավաքվել անհետ կորած զինծառայողների հարազատները, ովքեր խնդրում են, պահանջում են քայլեր ձեռնարկել իրենց երեխաներին հայտնաբերելու համար. «Ես զինվորի ծնող եմ: Մենք քաղաքականության հետ գործ չունենք, ոչ մեկի հետ գործ չունենք, մենք մեր երեխաներին ենք խնդրում:

Թող մեր երեխեքին բերեն տան մեզ: Թեկուզ թող մեռած բերեն, թաղենք, բայց թող բերեն: Ի՞նչ են ուզում մեզանից: Մենք երեխեք ենք տվել, որ ազգին ծառայեն: Մենք մեր երեխեքին ենք խնդրում: Թող թույլ տան գնանք բերենք: Խնդրում եմ»,-արտասվելով հայտարարեց անհետ կորած զինծառայողի հայրը: