Մարտական գործողությունների ընթացքում զոհվել է ԱԱԾ 46 զինծառայող, վիրավորվել՝ 191-ը, 2-ի գտնվելու վայրը դեռևս ճշտվում է
Արցախի Հանրապետության դեմ սանձազերծված ռազմական գործողությունների առաջին իսկ պահերից Հայաստանի Հանրապետության ազգային անվտանգության ծառայությունն իր գործառույթների շրջանակներում կազմակերպել է օրենքով սահմանված և իրավիճակով պայմանավորված համապատասխան աշխատանքների իրագործումը:
ԱԱԾ-ի հաղորդագրության մեջ նաեւ ասվում է. «Պաշտոնական գործընթացներին զուգահեռ Ազգային անվտանգության մարմիններն ակտիվորեն ներգրավվել են նաև բուն ռազմական գործողություններին, և համակարգի բազմաթիվ ծառայողներ իրենց հերոսական մասնակցությունն են ունեցել հայրենիքի պաշտպանության վեհ գործին:
