Արցախի միջազգային ճանաչումը դառնում է բացարձակ անհրաժեշտություն. Փաշինյան
«Որոշում պետք է կայացվեր ժամերի ընթացքում. հակառակ դեպքում կարող էր սկսվել պրոցես, որը կավարտվեր 10, 20 հազար զինվորների զոհողությամբ կամ գերևարությամբ»,- ֆեյսբուքյան էջով իր ուղերձում նշեց ՀՀ վարչապետ Նիկոլ Փաշինյանը։
Նա անդրադարձավ նաև այն հարցին, թե ինչու հրաժարական չտվեց։
«Դա կնշանակեր դասալքություն, ուրիշի ուսերին թողնել»,-ասաց նա։
«Հաջորդ հարցը, որը պարբերաբար հնչում էր, հետևյալն է՝ ինչու չխորհրդակցեցի ժողովրդի հետ. պատասխանը պարզ է. եթե օբյեկտիվ ներկայացնեի իրադրությունը, կնշանակեր տեղեկությունները հաողորդել հակառակորդին։ Ես խոստացել եմ ժողովրդի հետ քննարկել ղարաբաղյան հարցի բովանդակային լուծումը, իսկ Ղարաբաղի հարցն ինչպես լուծված չէր, այնպես էլ լուծված չէ, և անելիքները առջևում են»,-նշեց Փաշինյանը։
«Արցախի Հանրապետության միջազգային ճանաչումը դառնում է բացարձակ անհրաժեշտություն, և դրա համար կան անվիճելի փաստարկներ»,-ասաց նա։
