ՏԵՍԱՆՅՈՒԹ. ԱԺ-ի դիմաց մի քաղաքացի «դիմշաշկա» է նետել
Ազգային ժողովի դիմաց՝ Բաղրամյան պողոտայում, որտեղ արդեն մի քանի ժամ բողոքի ակցիա են իրականացնում Արցախի հողերը հանձնելու դեմ հանդես եկող քաղաքացիները, միջադեպ տեղի ունեցավ:
Հանկարծ ամբողջ մի հատված պատվեց ծխով, ամենայն հավանականությամբ ծխաբեր սարքից:
Հավաքվածները մի պահ իրար խառնվեցին, իրենց թվաց, որ ոստիկանությունն է հատուկ միջոցներ կիրառում, սակայն ոստիակնները հայտնեցին, որ դա իրենց հետ կապ չունի: Ոստիկանության ներկայացուցիչն ասաց, որ մի քաղաքացի «դիմշաշկա» է նետել, որին ոստիկանները տեղում ձերբակալել են ու տարել: Նա հավելեց, որ այն նետվել է հենց ոստիկանների ուղղությամբ:
Իր հերթին ՀՅԴ ԳՄ ներկայացուցիչ Իշխան Սաղաթելյանն ասաց. «Սա Նիկոլի սադրանքն է, ինքը բախումներ է հրահրում մեր երկրում: Ժողովրդից վրեժ մի լուծի: Սրանով փորձում են հրահրել բախումներ: Կոչ եմ անում սադրանքների չտրվել»:
Տսանյութը News.am-ի․
