ՏԵՍԱՆՅՈՒԹ. Զորքը թութքով, կովիդով հյուծված վիճակում էր. չունեինք բուժելու, հանգստի հնարավորություն
Արցախի Հանրապետության նախագահ Արայիկ Հարությունյանը հայտնել է, որ ստիպված են եղել համաձայնագիր ստորագրել, քանի որ մարտերն ընթանում էին Ստեփանակերտի մատույցներում, և եթե մարտական գործողություններն այդ տեմպերով շարունակվեին, ապա օրերի ընթացքում կկորցնեինք ամբողջ Արցախը:
«Կարծես թե մի քանի որ մեզ հաջողվել էր պաշտպանվել ԱԹՍ-ներից, բայց արդեն վերջին երկու օրերին հակառակորդը շատ մեծ վնասներ պատճառեց մեր զորքին: Շուշիի հիմնական վերահսկողությունը կորցրել ենք նոյմեբերի 5-ից, իսկ ամբողջությամբ՝ 7-ից»,-ֆեյսբուքյան ուղիղ եթերում ասել է Արայիկ Հարությունյանը:
Նա նշել է, որ գիշերվա ընթացում հանդիպել է ՀՅԴ ներկայացուցչին, Վիտալի Բալասանյանին, Բակո Սահակյանին և այլ պաշտոնյաների:
«Եկել ենք մի համաձայնության, որ պետք է ցանկացած որոշում կաացնելուց առաջ միասին քննարկենք ու որոշենք: Ուզում եմ խնդրել, իմ սիրելի հայրենակիցներ, որ սթափվենք:
Քաղաքացիական պատերազմն ավելի մեծ սպառնալիք է մեր երկրին, ոչ միայն Արցախին, այլև Հայաստան աշխարհին»,- ասել է ԱՀ նախագահը:
