Ռուս խաղաղապահներին տեղափոխող ևս երկու ինքնաթիռ է ուղևորվել Արցախ
Ռուս խաղաղապահներին տեղափոխող ևս երկու Իլ-76 ինքնաթիռ է մեկնել Ուլյանովսկ-Վոստոչնի օդանավակայանից։ Տեղեկությունը հայտնում է ՌԻԱ Նովոստին՝ հղում անելով Ռուսաստանի պաշտպանության նախարարության մամուլի ծառայությանը:
Ինքնաթիռներից մեկում օդանավի անձնակազմն է ու զրահամեքենան։ Մյուս օդանավում խաղաղապահ զորամիավորման անձնակազմն է, ինչպես նաև նյութական միջոցներ և ավտոմոբիլային տեխնիկա։
Ընդհանուր առմամբ Ռուսաստանից արդեն խաղաղապահներ տեղափոխող 6 ինքնաթիռ է ուղարկվել։
