Ջրցան մեքենա և արցունքաբեր գազ՝ Թբիլիսիում

Թբիլիսիում՝ Ռուսթավելի պողոտայում, մեկնարկած ցույցի մասնակիցները տեղափոխվել են Կենտրոնական ընտրական հանձնաժողովի մոտ, գրում է aliq.ge-ն։

ԿԸՀ գլխավոր գրասենյակի մոտ մոբիլիզացված են հատուկջոկատայիններ: Ոստիկանությունը ջրցան մեքենա և, հավանաբար, արցունքաբեր գազ է կիրառել ցուցարարների դեմ:

Հիշեցնենք՝ Վրաստանի խորհրդարանի հարակից տարածքում ընդդիմադիր կուսակցությունների ու քաղաքացիական հատվածի ներկայացուցիչների մեծամասշտաբ ցույց էր սկսել: Հավաքվածները Վրաստանի իշխանությանը մինչև ժամը 20:00-ն ժամանակ էին տվել ԿԸՀ նախագահ Թամար Ժվանիային պաշտոնանկ անելու ու նոր ընտրական հանձաժողովի կազմ ձևավորելու համար:

Ընդդիմության պահանջներն են.

1. Նոր, արդար և ազատ խորհրդարանական ընտրությունների անցկացում,
2. ԿԸՀ նախագահի հրաժարական և նոր ընտրական հանձնաժողովի ձևավորում,
3. Բոլոր քաղբանտարկյալների ազատ արձակում: