Թշնամին ոչ թիրախային հարվածներ է հասցնում Ստեփանակերտի բնակելի թաղամասերին. Արցախի ԱԻՊԾ
Թշնամին ոչ թիրախային հարվածներ է հասցնում բնակելի թաղամասերին ու հանրային նշանակության օբյեկտներին, հաղորդում է Արցախի արտակարգ իրավիճակների պետական ծառայությունը:
«Պատերազմական գործողություններին զուգահեռ թշնամական կողմը շարունակում է հեռահար հրթիռներով ավերել խաղաղ բնակավայրերը:
Ստեփանակերտում վերջին մեկ ժամվա ընթացքում երեք անգամ միացել է տագնապի ազդանշանը։
Թշնամին ոչ թիրախային հարվածներ է հասցնում բնակելի թաղամասերի ու հանրային նշանակության օբյեկտների վրա։
Տուժածներ չկան։ Ավերածությունները շատ են»,- ասված է ԱՀ ԱԻ պետական ծառայության հաղորդագրությունում։
Արցախի մարդու իրավունքնեի պաշտպան Արտակ Բեգլարյանը թվիթերյան իր միկրոբլոգում իր էջում գրել է, որ Ադրբեջանը հրթիռային հարվածներ է հասցրել բնակելի տների եւ երաժշտական դպրոցի վրա:
«Շատ այլ համայնքներ նույնպես ավերածությունների են ենթարկվել։ Տուժածների մասին տեղեկություններ դեռ չկան»,- գրել է Բեգլարյանը։
