Հասարակություն

ԱԱԾ տնօրենի նախկին ԺՊ Միքայել Համբարձումյանը հանդես է եկել հայտարարությամբ

ԱԱԾ տնօրենի նախկին ԺՊ Միքայել Համբարձումյանը հանդես է եկել հայտարարությամբ
ՀՀ ԱԱԾ տնօրենի նախկին ԺՊ Միքայել Համբարձումյանը հանդես է եկել հայտարարությամբ` անդրադառնալով իր պաշտոնանկությանը: «Հարգելի՛ հայրենակիցներ,Դեռեւս ս/թ հոկտեմբերի 28-ին իմ կողմից որոշում…

ՀՀ ԱԱԾ տնօրենի նախկին ԺՊ Միքայել Համբարձումյանը հանդես է եկել հայտարարությամբ` անդրադառնալով իր պաշտոնանկությանը: 

«Հարգելի՛ հայրենակիցներ,

Դեռեւս ս/թ հոկտեմբերի 28-ին իմ կողմից որոշում է կայացվել և իմ իսկ նախաձեռնությամբ դիմել եմ ՀՀ վարչապետին՝ ինձ աշխատանքից ազատելու խնդրանքով, որին, սակայն, այդ պահին ընթացք չի տրվել:

Այսօր ՀՀ վարչապետը, շնորհակալություն հայտնելով ծանր ու դժվարին այս իրավիճակում մեր համատեղ կատարած աշխատանքի համար, ինձ առաջարկել է շարունակել ծառայությունս տնօրենի տեղեկալի՝ իմ նախկին պաշտոնում, որին չեմ համաձայնել՝ միեւնույն ժամանակ պնդելով աշխատանքից ազատվելու իմ խնդրանքը, որը բավարարվել է:

Հաշվի առնելով ստեղծված իրավիճակն ու հնարավոր շահարկումները՝ մանրամասներ չեմ ներկայացնելու, որոնց գուցե, ըստ անհրաժեշտության, անդրադառնամ ռազմական գործողությունների ավարտից հետո:

Միաժամանակ իմ շնորհակալությունն եմ հայտնում ՀՀ և Արցախի ազգային անվտանգության ծառայության բոլոր աշխատակիցներին՝ հատկապես այս օրերին կատարած անձնվեր աշխատանքի համար»,- ասված է հայտարարության մեջ:

Հիշեցնենք, ՀՀ վարչապետ Նիկոլ Փաշինյանը դիմել էր ՀՀ նախագահ Արմեն Սարգսյանին` ԱԱԾ տնօրենի ԺՊ Միքայել Համբարձումյանին պաշտոնից ազատելու առաջարկությամբ: ՀՀ նախագահի հրամանագրով ՀՀ ԱԱԾ նոր տնօրեն է նշանակվել Արմեն Աբազյանը:

Նմանատիպ հոդվածներ

Ավելին Հասարակություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7487) Միջազգային (3302) ԱՄՆ (2293) Ռուսաստան (2110) Իրան (1743) Ընտրություններ (1273) Ուկրաինա (829) Երևան (799) Իսրայել (760) Ադրբեջան (624) Փաշինյան (562) Եվրոպա (510) Ընդդիմություն (437) Թրամփ (431) Ազգային ժողով (417)

Radio Aurora

Լսել Radio Aurora

Գովազդային տարածք

300x250