Քանի դեռ վերջին զինվորը կռիվ է տալիս, ես չեմ կարող ասել, որ մենք կորցրել ենք այդ տարածքը․ Հովհաննիսյան
Ողջ օրը ե՛ւ դիրքերի, ե՛ւ բնակավայրերի ուղղությամբ ոչ մեծ մասշտաբի, բայց ընթացել է հրետակոծություն։ Այս մասին ճեպազրույցի ժամանակ հայտնեց ՊՆ ներկայացուցիչ Արծրուն Հովհաննիսյանը։
«Օրվա ընթացքում փորձեր անում են, հրետակոծում են, պատասխանն էլ ստանում են»,- նշեց Հովհաննիսյանը և հավելեց․
«Քանի դեռ վերջին զինվորը կռիվ է տալիս, ես չեմ կարող ասել, որ մենք կորցրել ենք տվյալ տարածքը»։
ՊՆ ներկայացուցիչը խնդրեց պատերազմի ժամանակ դրսևորել զգուշավորություն և առանձին պատկերացումները չներկայացնել որպես ճշմարտություն:
