Աբխազիայից կամավորների խումբ է մեկնել ԼՂ. լրատվամիջոցներ
Աբխազիայի նախագահի օգնական Ահրա Ավիդզբան սոցցանցերում հայտնել է, որ երկրից կամավորներ են մեկնել Լեռնային Ղարաբաղ, գրում է eadaily.com կայքը։
Աղբյուրը նշում է, որ այս տեղեկությունները հաստատում են աբխազական թելեգրամյան ալիքներում տարածված լուսանկարները։
«Աբխազիայից կամավորների առաջին խումբը մեկնում է Ղարաբաղ։ «Սոչի» օդանավակայան»,- գրում է D News Աբխազիա հրատարակությունը։
Ավելի վաղ հայտնի էր դարձել, որ Աբխազիայի հայ համայնքը Արցախի համար միջոցների հավաքագրման մասին հայտարարություն էր տարածել։ Այս նախաձեռնությունը աջակցել էին նաև աբխազական որոշ քաղաքական միավորումներ։
