Ջալալ Հարությունյանը լիովին հաղորդակցվում է. Hraparak

Մեր տեղեկություններով՝ Արցախի ՊԲ հրամանատար, գեներալ Ջալալ Հարությունյանին չորեքշաբթի օրը անջատել են արհեստական շնչառության ապարատից և արթնացրել արհեստական կոմայից: Քանի որ վնասվածքները հիմնականում վերջույթների այրվածքներ են և գլխի հեմատոմա, առաջին օրերին արհեստական կոմայի մեջ են պահել, որ օրգանիզմը հասցնի վերականգնվել: Կոմայից արթնացնելուց հետո ստուգվել է ՊԲ բանակի նախկին հրամանատարի՝ հաղորդակցվելու, արտաքին ազդակներին արձագանք տալու ունակությունը: Այս առումով բժիշկները որոշակի մտավախություններ են ունեցել, հայտնում է hraparak.am-ը: 

Մեր աղբյուրի փոխանցմամբ՝ կոմայից հանելուց հետո բժիշկները լավատեսորեն են տրամադրված՝ հրամանատարը լիովին հաղորդակցվում է, որևէ հետևանքներ չկան, ինչը շատ հուսադրող է։

Առաջիկայում այրվածքների բուժման խնդիրն է լուծվելու և նա կկարողանա վերադառնալ լիարժեք կյանքի: Ինչպես մեզ ասացին, նման կազդուրումը ավելի շատ հրաշքների շարքից էր, քան բժշկության: