Թուրքիայում երկրաշարժի զոհերի թիվը հասել է 114-ի
Թուրքիայի Իզմիր նահանգում տեղի ունեցած հզոր երկրաշարժի հետևանքով զոհերի թիվն ավելացել է՝ հասնելով 114-ի։ ՏԱՍՍ-ի փոխանցմամբ՝ այս մասին հայտնել է Թուրքիայի Արտակարգ իրավիճակների վարչությունը։
«Երկրաշարժի հետևանքով զոհվել է 114 մարդ, տուժել՝ 1035-ը», - ասված է վարչության հաղորդագրության մեջ։ Ավելի վաղ հաղորդվում էր 110 զոհի մասին։
Հիշեցնենք, որ Թուրքիայի արևմուտքում 6,6 մագնիտուդով երկրաշարժի էպիկենտրոնը գտնվել է Իզմիր նահանգի Սեֆերլիխիսար քաղաքի շրջանում։ Արտակարգ իրավիճակների և բնական աղետների գործակալության տվյալներով՝ օջախի խորությունը կազմել է 16,5 կմ։
Երկրաշարժը, որի հետևանքով վնասվել են մի շարք շինություններ, զգացվել է երկրի արևմուտքում և Ստամբուլում։ Երկրաշարժը զգացվել է նաև Աթենքում։ Սա վերջին տարիներին Սամոսում տեղի ունեցած ամենաուժեղ երկրաշարժն է եղել։
