Թուրք քաղաքապետը՝ Արարատի՝ հայկական կողմից երևացող հատվածը Թուրքիայի և Ադրբեջանի դրոշներով լուսավորելու նախաձեռնության մասին

Թուրքական տեղական իշխանությունները որոշել են լուսային տեխնիկայի համաշխարհային նոր ռեկորդ սահմանել։ Թուրքիայի արևելքում գտնվող Աղրը (պատմանական Ալաշկերտի տարածաշրջանում գտնվող Կարաքիլիսե) քաղաքի քաղաքապետ Սավջը Սայանը հայտարարել է Արարատի՝ հայկական կողմից երևացող հատվածը Թուրքիայի և Ադրբեջանի դրոշներով լուսավորելու նախաձեռնության մասին։

«Արմենպրես»-ի փոխանցմամբ, այս մասին քաղաքապետը գրել է իր «Թվիթեր»-ի իր միկրոբլոգում, միաժամանակ տեղադրելով նաև Արարատի պատկերը՝ լուսավորված Ադրբեջանի և Թուրքիայի դրոշներով։ «Աղրըի քաղաքապետարանը արագ նախապատրաստական աշխատանքներ է իրականացնում։ Մոտ ժամանակներս Արարատ լեռան` Հայաստանին նայող կողմից այս տեսարանը կտեսնեք։ Հույս ունեմ սա մարտադաշտում կոգեշնչի Հայաստանին»,-ասված է Սայանի գրառման մեջ։