ՏԵՍԱՆՅՈՒԹ. Փարպի համայնքի բնակիչները այս օրերին զինվորներին ապահովում են իրենց համար ամենակարևոր իրերով

Auroranews-ը պարբերաբար անդրադառնում է այս օրերին թիկունքում կռիվ տվողներին, քանի որ յուրաքանչյուրիս ամեն փոքր քայլն էլ օգնություն և աջակցություն է պետությանն ու բանակին։ 

Արագածոտնի մարզի Փարպի համայնքի բնակիչներն այս օրերին զինվորներին  ապահովում են իրենց համար ամենակարևոր իրերով:  Ինչպես իրենք են նշում՝ այս օրերին տանը նստելն ու ոչինչ չանելը դավաճանության նման մի բան է։

 «Կարում ենք տաք ժիլետներ, վերարկուներ, քնապարկեր։ Չես կարող հանգիստ տանդ նստել՝ իմանալով, որ երեխեքը սահմանին անհնարինն են անում։ Մենք էլ այս ձևով ենք փորձում թիկունքն ամուր պահել»,- մեզ հետ զրույցում նշեց Փարպի համայնքի բնակիչ Գայանե Հարությունյանը։

Համայնքի բնակիչներն ընդգծեցին նաև Մոսկվայում և Հոլանդիայում բնակվող բարերաների կարևորությունը։ Նշում են՝ առանց նրանց աջակցության շատ դժվար կլիներ այս նախաձեռնությունը կյանքի կոչել։