Այս պահի դրությամբ էլ մարտերը շարունակվում են. Արծրուն Հովհաննիսյան
ՀՀ ՊՆ ներկայացուցիչ Արծրուն Հովհաննիսյանն այսօր ճեպազրույցի ժամանակ ասել է, որ հակառակորդը տարբեր ուղղություններով հարձակողական գործողությունները շարունակել է նաև այսօր՝ հիմնականում փոքր խմբերով, հիմնականում օջախային հարձակումներ, տեղ-տեղ կիրառելով հրետանի, որոշ տեղերում նաև օդային հարձակման միջոցներ:
«Ըստ էության՝ բոլոր ուղղություններով որևէ նշանակալի դիրքային փոփոխություն տեղի չի ունեցել՝ չնայած տեղի ունեցած որոշակի մարտական գործողություններին: Այս պահի դրությամբ էլ մարտերը շարունակվում են»,- ասել է Հովհաննիսյանը:
